
Bəxtiyar Kazımov
Bəxtiyar Kazımov 2014-cü ildən kənd təsərrüfatında fəaliyyət göstərir, aqrar sahədə innovativ yanaşmalar tətbiq edərək inkişafına töhfə verir.
- Phone: +(994) 50 210 51 62
- Experience: 15 Years
Bəxtiyar Kazimov – Peşəkar İqtisadçı və Aqrar Sektorda Uğurlu İdarəçi
Bextiyar Kazimov 1996-cı ildə Naxçıvan Dövlət Universitetinin (NDU) İstehsalatın İqtisadiyyatı və İdarə Edilməsi ixtisasını qırmızı diplomla bitirmişdir. Elə həmin il Azərbaycan Milli Elmlər Akademiyasının Kibernetika İnstitutuna aspirant kimi qəbul olunmuşdur.
1997-ci ildə Bakı Dövlət Universitetinin (BDU) İqtisadi Kibernetika fakültəsində müəllim kimi fəaliyyətə başlamış, elmi və pedaqoji fəaliyyətini davam etdirmişdir. 2000-ci ildə aspiranturanı uğurla tamamlayaraq iqtisad elmləri üzrə fəlsəfə doktoru (PhD) elmi dərəcəsini almışdır.
2003–2006-cı illərdə Dünya Bankı və Əmək və Əhalinin Sosial Müdafiəsi Nazirliyinin birgə həyata keçirdiyi ünvanlı sosial layihədə prokürment eksperti, daha sonra isə layihənin rəhbəri kimi fəaliyyət göstərmişdir. 2006-cı ildən etibarən SOCAR-da prokürment eksperti kimi çalışmağa başlamış və bu sahədə dəyərli təcrübə qazanmışdır.
Ancaq o, yalnız iqtisadi və sənaye sahəsində deyil, aqrar sektorda da ölkəmizə xidmət etməyi qarşısına məqsəd qoymuşdur. 2014-cü ildən etibarən Azərbaycan xalqına və ölkə rəhbərliyinin aqrar inkişaf siyasətinə dəstək göstərmək məqsədilə kənd təsərrüfatı sahəsində fəaliyyət göstərməyə başlamışdır. O, kənd təsərrüfatının inkişafı üçün elmi yanaşmaları tətbiq edərək bağçılıq, əkinçilik, arıçılıq, heyvandarlıq və quşçuluq sahələrində mühüm işlər görmüşdür.
Bundan əlavə, Bextiyar Kazimov suvarma sistemlərinin qurulmasında və optimallaşdırılmasında elmi yanaşmalarla iştirak etmiş, müasir texnologiyalardan istifadə edərək su ehtiyatlarının səmərəli idarə olunmasına töhfə vermişdir. Onun bu sahədəki bilik və təcrübəsi, aqrar sektorun inkişafında innovativ metodların tətbiqinə imkan yaratmışdır.
Bextiyar Kazimovun geniş elmi biliyi, idarəetmə təcrübəsi və aqrar sahəyə olan sarsılmaz bağlılığı onu ölkəmizin tanınmış mütəxəssislərindən birinə çevirmişdir.